NATIONAL NEWS– Ginsigurado han Department of Social Welfare and Development nga bug-os an ira suporta ha direktiba ni Pangulong Ferdinand Marcos Jr. nga dagmiton an paghahatag hin serbisyo ha tanan nga mga Pilipino nga aada ha laylayan.
Ine an nagin pamahayag ni DSWD Secretary Rex Gatchalian, kumo baton ha nagin panawagan han Punong Ehekutibo.
Kalakip ha ira tatagan hin kadagmitan nga bulig in adton mga publiko nga kalakip ha vulnerable ngan marginalized group.
Subay ha datos han ahensya, maabot ha 3M nga family food packs stockpile an mayda iton DSWD.
Sumala naman kan Sec. Gatchalian, ine an pinakahitaas ha kasaysayan han nasabi nga ahensya.
Ginpatapod hine nga nagpapabilin nga committed an ira opisina ha paghahatod hin bulig partikular na ha panahon han kalamidad.
