NATIONAL NEWS– Sisiguraduhon han Department of Social Welfare and Development (DSWD) nga validated ngan sakto an mga datos nga igpapakita han mga kag-anak, legal guardian, ngan magin an mga mga travel companion ha pagkuha han travel permits para ha ira mga menor de edad nga mga anak.
Ine in para masigurado nga waray natatabo nga bisan -anu nga child trafficking o krimen nga may kalabutan ha child exploitation.
Sumala kan DSWD Assistant Secretary for Protective Programs Ada Colico, ine in kaparti han security protocols han ira ahensya ha pag-iisyu hiton travel pemits.
Dugang pa hine, mayda hira nakikit-an nga mga inconsistencies ngan red flag ha datos, ngan dayon ini nira nga ginbeberipika, pinaagi hiton pakikipagsumpayan ha ira local welfare officer.
