TACLOBAN CITY– Nakapreposisyon na an mga Family food packs, ngan mga non food items han Department of Social Welfare and Development DSWD Region 8, para ha mga naapektaran han linog ha Southern Leyte.
Sumala kan Atty. Jonalyndie Chua, Regional Information Officer Department of Social Welfare and Development Regional Office Vlll, maabot ha 15, 869 nga mga family foodpacks an naka standby ngan 3, 116 para ha mga non-food items an andam han ira buhatan pananglitan kinahanglanon han mga lokal government nga naigo han linog.
Ginmalatumat hine nga maysulod an nasabi nga mga family food packs sugad hiton, bugas, de-lata, kape, cereal para ha mga kabataan, samtang magdudugay naman an nasabi nga FFP ha sulod hiton 3 ka-adlaw ngan consumable ine hin 5 nga miyembro han kada pamilya.
Ha pagkayana, waray pa hira nakakarawat nga apektado an mga FFP nga naka standby ha Southern Leyte.
Utro naman hine nga gindi-unan nga andam an ira opisina nga bulig pananglitan nga kinahanglanon han mga LGU’s.
