TACLOBAN CITY–Ginmalatumat ni Restituto Reglos, Operation and Enforcement han Traffic Operation Management Enforcement and Control Office (TOMECO) Tacloban nga nahingadayan nira an Department of Public Works and Highways (DPWH) nga sawayon an ira mga kontraktista nga dire magpalapos hin oras.
Ini in kasumpay ha nagin hilaba nga trapiko ha Maharlika Highway harani ha Eastern Visayas Medical Center durot hiton pagpa-aspalto han mao nga dalan han rush hour.
Nahitabo an mao nga insidente han aga han ika 4 han Enero, 2026.
Ginbabanabana ni Reglos nga ginbuhat ine han mga kontraktor mahitungod nga dire hira makakalatag hin aspalto kun nag-uuran.
Ginsuhestyon gihapon han ahensya nga dire buhaton an paglatag hin aspalto kun mayada opisina ngan klase mahitungod nga dire damo an naagi nga mga sarakyan ha Maharlika Highway.
