NATIONAL NEWS– Ginpaagbit ni Department of Transportation Spokesperson Mon Ilagan, nga kadugangan han plano nga dugangan hin 50% discount an mga senior citizens ha LRT ngan MRT, plano gihapon han ahensya nga bilngan ine hin pondo agud nga magin maupay an pag-implementar.
Kalakip gihapon dinhi an 50% discount ha mga estudyante, ine in agud nga mabuligan an mga commuters.
Dugang pa ni Ilagan, pananglitan nga maaprubaran na an 50% discount para ha mga senior citizen, sisiguraduhon han buhatan nga magkakamayda hin sadang nga budget agud nga magamit an nasabi nga promo ha mga stored valued cards o beep cards.
Ha pagkayana, in para ha mga single journey tickets la an pwede nga makag-avail hin discount sanglit usa ine ha mga araba han mga commuters nga estudyante tungod nga maiha an pila ha mga MRT ngan LRT.
