Gintawag han Department of Justice (DOJ) nga “insincerity and complacency” an gios nga pahayag han kontrobersyal nga kontraktor nga hi Cezarah “Sarah” Discaya mahuman hine nga magpakita hin finger heart sign ngan mag-intrimis ha media samtang gin iimbestigahan kasumpay han anomaliya ha flood control projects.
Ha video makikit-an an pag-abot ni Sara ha DOJ para ha case build-up kun diin nakuhaan hi Discaya nga nagpapakita hin finger heart sign ha media. Paggawas hine, paintrimis pa hine nga ginyakan ha mga reporters nga daw upayon an paghimo han iya mga memes.
Sumala kan DOJ spokesperson Atty. Jose Dominic Clavano IV, ginkokonsidera ha imbestigasyon an nagin aksyon ni Discaya ngan naglalaum hira nga makikigkooperar hin maupay ngan propesyunal an ngatanan han persons of interest ha kaso.
Manunumduman nga hira Sarah Discaya ngan an iya asawa nga hi Pacifico in ada ha ilarom han Witness Protection Program han DOJ ngan presente nga nagsusumite hin aplikasyon agud magin state witness—usa nga pitad nga pwede mag-abswelto ha ira ha mga kaso nga kriminal ngan sibil.
