NATIONAL–Gindig-unan han Department of Justice (DOJ) nga dire otomatiko nga tatanggalon tikang ha ginpagawas nga resolusyon han prosekusyon an mga ‘state witnesses’ ha reklamo kanit hiton flood control.
Ha ginpadara nga mensahe ni Justice Spokesperson Atty. Polo Martinez, iglalakip la gihapon an mga ine ha resolusyon han reklamo.
Ha kaluyo nga ‘discharged kumo state witness’, ginmalatuamt hine nga paghihisgotan pa gihapon an alegasoyn han ‘conspiracy’ ha ira partisipasyon ha kaso.
Mabubuyagyag ha resolusyon han prosekusyon an kasumpay hine, bisan pa mayada o waray ‘counter affidavit’ ngan ‘manipestasyon’ an respondents ha reklamo.
Iya naman gintudlok an kasumpay ha reklamo nga ‘plunder’ nga gin-kaka-atubang ni anay Senador Bong revilla Jr.
Ginkwestyon mangud han kampo hine an dire pagpapasaka nira anay Department of Public Works and Highways Undersecretary Roberto Bernardo, Henry Alcantara, ngan Gerald Opulencia hin kontra-salaysay mahitungod nga ‘discharged’ na ha kaso kumo mga ‘state witness’
