NATIONAL NEWS– Ginbandilyo han Department of Justice nga dire ordinaryo nga indibidwal an ‘mastermind’ ha luyo han pagkawara han mga biktima nga sabungero.
Sumala kan Justice Secretary Jesus Crispin Remulla haluag an impluwensya han nasabi nga indibidwal.
Dugang pa hine, magin an hudikatura, o an Korte Suprema in akos hine nga manginlabot tungod ha kapot hine nga salapi.
Matungod hine, kakahimangrawon ngan makikipagsumpayan hi Justice Secretary Remulla ha Korte Suprema, partikular kan Chief Justice Alexander Gesmundo kasumpay ha nasabi nga isyu.
Manunumduman, una na nga ginpaangbit ni Justice Secretary Remulla an ginpahayag han testigo nga ginkilala kan alyas ‘Totoy’ nga ginpatay ngan ginlubong an mga biktima ha ‘Taal Lake’.
Maabot na gihapon ha sobra 100 nga mga sabungero an nagkawara o nakidnap 4 katuig na an nakakalabay, ngan hangtod yana in waray la gihapon konkreto nga rason agud nga maresolba an tinuod nga hinungdan han pagkawara han mga ine.
