NATIONAL–Ginpahimatngon an Department of Health (DOH) han Sabado nga padayon nga ginaayat an Mindanao ha measles ngan rubella outbreaks mahitungod ha dako nga ihap han mga bato nga waray pa nakakarawat hin routine immunization.
Sumala ha DOH, ginbabanabana nga maabot ha 520,645 ka bata ha edad nga 5 katuig paubos ha Mindanao an waray pa ginpabakuna kontra ha measles ngan rubells.
Mahuman han pagkahuman han Measles-Rubella ngan Supplemental; Immunization Activity (MR-SIA) ha lugar han Biyernes, nakab-ot la han ahensya an 82% han target hine kun diin planot han DOH nga mabakunahan an 2.8-M ka bata Mindanao ngan Bangsamoro Autonomous Region in Muslim Mindanao (BARMM), o mayada 95% coverage, agud nga makab-ot an herd immunity.
Gineksplikar ni DOH Secretary Teodoro Herbosa, nga kun damo an dire bakunado, mas madagmit an paghawa nga nagreresulta hin mas madagmit nga outbreak.
Ginmalatumat gihapon ni Herbosa nga an pautro-utro nga dire pagpatuman ha vaccination targets ha naglabay nga mga tuig in nagpapahitaas hin ihap han dire bakunado, nga nagpapaduroy ha ayat hin outbreak.
Ginpapahinumdom han DOH ha mga kaganak ngan taga-alaga han mga bata nga siguraduhon nga mabakunahan an ira mga anak.
Ginsegundahan naman han Inam Council of the Philippines an vaccination programs han gobyerno nga dire nakontra ha aram han Islam.
