TACLOBAN CITY- Ginkalipay han Department of Health, DOH Regional Office -8, nga nadugangan pa an mga lugar nga ginpailarom ha Alert Level 1 status han IATF ha bug-os nga rehiyon 8.
Sumala kan Jelyn Lopez Malibago, Information officer han DOH-8, nga an mga ine in ginkakalakipan han, Biliran, Ormoc City, ngan Tacloban City.
Dugang pa han mao nga opisyal nga usa ha ginkokonsidera nga aludayday han IATF, in kun an usa nga areas in hamubo na an mga nahihipatik nga natatapnan han COVID-19, hamubo na gihapon an nagkaka-aadmit ha ospital, ngan maabot na ha 70%-80% an mga nabakunahan kontra COVID-19.
Aminado an mao nga opisyal nga mayda la gihapon mga indibidwal nga nag-aalang nga magpabakuna kontra COVID-19, sanglit nga naghihimo an ira buhatan hin mga pamaagi agud nga mas magin abelable pa an bakuna ha mga indibidwal nga nag ruruwa-duha nga magpabakuna, pira ha mga ine in an house-to house visitation, pagbandilyo ngan an gindudumara nga kada barangay nga vaccination.
