-- Advertisements --
Makasaysayan nga ginhuman han Pilipinas an 20th Asian Games ha Aichi-Nagoya ha Japan mahuman ini humakot hin 29 nga medalya ha paghuhuman han palaro hini dida han Dominggo, Oktubre 4.
Ini an pinakadamo nga medalya nga nakab-ot han nasud ha sakob han unom ka-dekada tikan han 1966 ha Bangkok, Thailand.
Nakab-ot han Pilipinas an ika-17 nga pwesto kun diin, nakab-ot han nasud an upat nga gold medal, siyam nga silver, ngan 16 nga bronze. Nangunguna la gihapon an China ha top 1 spot han palaro.
Bisan man waray malahusan han nasud an four-gold record han 2018 ha Jakarta-Palembang ngan 2023 ha Hangzhou, China, malinampuson la gihapon an paghuhuman han torneo para ha Philippine Olympic Committee.
