-- Advertisements --
Posible patay na an tanan nga mga sakay han usa nga medical transport aircaft mahuman ini in tigda nga nawara.
An nasabi nga eropano in tikang ha Bermuda pakadto ha Boston kun diin, sakay hini an upat nga Canadian nationals ngan duha nga Bermudian nationals.
Natabo an insidente dida han nakalabay nga Sabado han tigda nala nawarayan hin contact an Federal Aviation Administration ha nasabi nga eroplano.
Samtang, sumala ha United States Coast Guard nga ginhuman na nira an ira search and rescue ha kaharani nga parte han Nantucket, nga usa nga isla ha Massachusetts kun diin, padayon nira nga gini-imbestigaran an hinungdan han paglaprak han eroplano.
