NATIONAL NEWS– Nagpahimatngon hi Department of Information and Communications Technology (DICT) Secretary Henry Aguda ha publiko kasumpay ha pira nga mga messaging ngan online shopping apps nga posible ma-ban kun dira han mga ine tatangalon an gambling content.
Subay ha kalihim, binmalhin na an pira nga mga gambling operators ha messaging ngan online shopping apps sugad han Telegram ngan Viber nga posible gingagamit nga ilegal nga huygo online.
Dugang pa ni Aguda nakikipagbinuligay na an Facebook ha pagtangal han gambling pages, samtang an online shopping app nga Lazada in gintangal na gihapon an tanan nga gambling-related links ha ira platform.
An GCash ngan Maya naman in nakapag-unlink na gihapon ha ira gambling site.
Ginsigurado naman han DICT nga magpapagawas hira hin solusyon para kontrahon an padayon nga paghurak han ilegal nga online gambling.
