-- Advertisements --
NATIONAL – Umapela hi Department of Foreign Affairs Undersecretary Eduardo de Vega ngan Department of Justice Assistant Secretary Miko Clavano ha publiko nga pabay-an anay hira nga magtrabaho kasumpay ha pagpapauli kan Mary Jane Veloso ha nasod.
Subay han duha nga opisyal, ini in agud diri magkaada hin aberya o diri makompromiso an pagpapauli ha nasabi nga Pinay nga gin sentensyahan hin kamatayon ha Indonesia.
Samtang, bumaribad naman hira De Vega ngan Clavano nga igdetalye an mga proseso han pagpapauli kan Veloso mahitungod nga nagtitikang pa la ini.
Ha pagkayana in gin huhulat han duha nga opisyal an baton han gobyerno han Indonesia ngan an magigin set up kasumpay han hingyap nira nga mabalhin na ha Pilipinas an kustodiya ni Veloso.
