NATIONAL–Ginpahimatngon han Department of Foreign Affairs (DFA) ha mga Pilipino kontra ha pagapi ha mga langyawanon nga armed forces, kasunod han report han usa nga Filipino national ng naawat hin kinabuhi samtang nakikigbisog para ha Russia ha gyera kontra Ukraine.
Sumala ha DFA, an pagpapartisipar ha mga armado nga pwersa ha iba nga nasud in nagbubutang ha mga Pilipino ha delikado nga sitwasyon nga possible magdurot hin seryoso nga legal nga resulta.
Mahugot gihapon nga ginaabisuhan an publiko nga mag-ikmat ha mga gino-offer nga trabaho abroad nga pwede magserbe nga pantahob ha recruitment para ha foreign armed forces.
Gintagan gihappon hin duon han ahensya nga an direkta o dire direkta nga pag-api ha langyawanon nga gyera in magreresulta pa ha pagkawara han ira citizenship.
Han urhi nga parte han Enero, gin report han Military Intelligence han Ukraine nga usa nga Pilipino an naawat hin kinabuhi ha gyera ha Donsetsk region. Sumala ha report, in ginaalegar nga hiya in usa nga unit han Russian military.
Gin-aaghat gihapon han DFA an mga Pilipino nga namimiling hin trabaho abroad nga siguraduhon nga beripikado an mga job offer, recruitment agency, ngan employer ha Department of Migrant Workers (DMV), ngan magpabilin nga mabinantayon kontra ha iligal nga recruitment nga pwede magin ayat ha ira kinabuhi .
