NATIONAL – Dumistansya an Department of Education (DepEd) ha kontrobesyal nga libro ni anay Education Secretary ngan Vice President Sara Duterte nga may titulo nga ‘Isang Kaibigan’.
Sumala kan DepEd Undersecretary Gina Gonong, nakit-an nala han mga DepEd personnel an nasabi nga libro dida mismo ha adlaw han launching.
Pag-istorya pa ni Gonong, naimbitahan hi VP Sara kumo usa ha mga reading ambassador para magbasa hin istorya para ha mga kabataan. An kada ambassador daw in mayda katungod nga pilion an bisan anu nga libro nga ira karuyag basahon para ha mga bata basta ine in sakto ha ira mga edad.
Sumala pa hine, mahitungod nga dire maaram an DepEd kasumpay ha nasabi nga libro in waray ine umagi ha quality assurance o makakuha hin accreditation tikang ha ahensya.
Sumala naman kan DepEd Secretary Juan Edgardo “Sonny” Angara, waray gihapon official record nga nagyayakan kun ginbarayan an mga illustrator han libro.
