-- Advertisements --
TACLOBAN CITY- Ginmalatumat hiton Department of Education Eastern Visayas, nga waray pa hira nakarawat nga mandato tikang ha central office nga igsarado na an ira system para mahibaruan an kabug-usan nga ihap han mga estudyante para ha S.Y. 25-26.
Sumala kan Jasmin Francisco Calzita, Information Officer han DepEd Eastern Visayas, ha pagkayana dire pa nira ginsasaradhan iton system, kun diin naglalaom pa hira nga mayda pa magpapadayon pag-encode nga mga eskwelahan.
Dugang pa ni Calzita, nakarawat pa hira hiton mga transferees students, kinahanglan la nga kompleto an iya mga performance task han nakalabay nga 1st quarter.
Nagpatapod naman ine nga dayon hira magpapagawas hin datos ha takna nga mahuman na mag-encode an mga eskwelahan.
