TACLOBAN CITY– Ginpahibaro han Department of Health (DOH) Eastern Visayas, nga mas hitaas yana an ihap han Dengue cases ha reyihon.
Sumala kan Ding, Olobia, Dengue Program, Coordinator DOH 8, nga hapagkyana mayda na 6,058 nga kaso an Eastern Visayas, tikang ine han bulan hiton Enero kutob yana nga bulan hiton Agusto 2024.
Dugang pa hine mayda naman 15 na iton nahihipatik nga namtay ha bug-os nga rehiyon matungod hiton dengue.
Ha pagbana-bana han nasabi nga opisyal, ine in 154% nga mas hitaas kumpara han nakalabay nga tuig.
Ha mao nga ihap han kaso ha rehiyon mayda 6 nga probinsya an nahipatik nga may pinakahitaas nga ihap han dengue, ine an Probinsya han Leyte nga mayda 2,013, Samar 1,539, Southern Leyte 585, Eastern Samar 569, Ormoc City 446, Northern Samar 311, Tacloban City 290 ngan Biliran 106 cases.
Ginmalatumat pa ni Olblia, nga subay ha ira nagin obserbasyon bumalik an kaso ha 2 years parttern kun diin kada 2 katuig in nagkakamayda hin paghitaas han kaso hiton dengue ha rehiyon.
Ha pagkayana, padayon an ira ginhihimo nga monitoring ha tanan nga lugar, partikular na an may hitaas nga kaso han nasabi nga sakit.
