TACLOBAN CITY – Gin lalauman yana nga adlaw an pag-abot han mga basketball player’s nga tikang ha magkaduridilain nga lugar ha Visayas para han regional competition.
Subay ha game schedule han NBTC Philippines, una nga mag mumulay buhas nga adlaw an GB x PRYWNN Tacloban vs Malay Boracay ngan masunod an USJR Jaguars vs One Silay Sports ngan masunod an Oasis Ballers Academy vs WLC Mustangs ngan susundan ini han iba pa nga basketball teams ha mga masunod nga adlaw.
Basi ha orihinal team player han NBTC Philippines in aada ha 18 ka team players an mamulay pero umabot nala ini ha 16 nga team tungod nga nag backout an iba ha kahirayo han lugar para han kompetisyon.
Sumala kan Marissa Altamirano NBTC Organizer, usa ini nga maupay nga pitad para mga kabataan agud maipakita an ira mga skills ha basketball ngan makilala hira han mga tawo.
Ginsigurado naman han City Sports han Tacloban nga an mga delegado in diri napapabay-an an ira academics.
An mabibilin nga upat nga team in amo an ma mulay para han National Competition nga pagbubuhaton ha Mall of Asia Arena.
