-- Advertisements --
INTERNATIONAL – Sumaka na ha sobra 80 ka-tawo an namatay ha balyu-ay hin missile ngan airstrikes ha butnga han Israel ngan Iran.
Subay han mga otoridad han Israel, tulo ka-tawo an namatay ha ira lugar, samtang 19 an samaran, ha sugunson nga pag-atake han Iran gamit han missiles.
Ha panig naman han Iran, aada ha 78 ka-tawo na an namatay tikang ha airstrikes han Israel ngan 320 an samaran nga ka-urugan in mga sibilyan.
Manunumduman nga nagtikang an tensyon ha butnga han duha nga nasod mahuman an sorpresa nga pag-atake han Israel han nakalabay nga Biyernes ha nuclear ngan military facilities han Iran nga iginkamatay han pira nga hitaas nga lider han nasod hinungdan nga bumulos ini hin missile attack ha Israel.
