Gin kumpirma han mga otoridad ha Norway an pinakasyahan nga kaso han avian influenza o bird flu ha usa nga polar bear ha Europa mahuman matudlok an H5N5 strain ha Svalbard region ha Arctic.
Subay ha Norwegian Veterinary Institute, natad-an dida han Mayo an lawas han usa nga lalaki nga polar bear nga ginbabana-ban ada ha un-anyos, kaupod an usa nga walrus, ha nagyeyelo nga puro nga sobra-kulang 1,000 kilometro tikang ha North Pole.
Ha gindumara nga laboratory testing, nagawas nga positibo ha H5N5 variant han avian influenza an mga sample tikang ha duha nga hayop.
Sumala kan Ragnhild Tonnessen, bird flu coordinator han institute, makababaraka an padayon nga paghitaas han kaso han virus ha mga mammal ha Europa.
Dugang pa hini, nagtitikahaluag na gihapon an sakop han virus ha Arctic, nga posible magdurot hin kadelikaduhan ha mga sensitibo nga ecosystem ngan wildlife population.
