-- Advertisements --
Pumatay na hin 19 ka-tawo an iginlunsar nga panibag-o nga air strikes han Israel ngan Lebanon.
Basar ha Health Ministry han Lebanon, aada ha 10 an mga napatay, kaupod an tulo nga bata ngan tulo nga kababayen-an, nga namatay ha pag-atake mahuman umigo ha usa nga panimalay an strike ha Deir Qanoun town.
An panibag-o nga casualty in nahipatik hin waray pa usa ka-semana mahuman i-anunsiyo han Amerika nga nagkasarabot an Lebanon ngan Israel nga pahalawigon pa an ceasefire ha sakob han 45 ka-adlaw samtang nakatalaan igpadayon han duha nga kampo an pag-hisgot nira yana nga maabot nga Hunyo.
Ha kaluyo han ceasefire extension, parehas la gihapon nagpadayon hin balyuay hin pag-atake an Israel ngan Hezbollah partikular na ha may southern Lebanon.
