Nangaro hin pasalyo an anay British pirate radio station ha mga residente han United Kingdom ngan ha hadi mahuman hini aksidente nga maipahayag an sayop nga balita kasumpay ha pagkamatay ni King Charles III.
Subay ha pahayag han istasyon, an insidente in durot han computer error ha ira pangunahon nga studio ha Maldon, Essex nga nagresulta ha sayop nga pag-activate han “death of a monarch procedure” nga kaurugan naka-standby ha mga UK broadcast stations.
Dayun naman ini nga naitama han istasyon mahuman mapansin an problema, ngan nagpagawas hira hin on-air apology. Gin klaro han management nga usa ini nga teknikal nga sayop ngan dire ginsusuportahan kumo sayop nga balita.
Nangaro gihapon hin despensa hi station manager Peter Moore ha hadi ngan ha mga tagpamati, ngan ginmalatumat nga nakakasubo an nagin epekto han insidente.
