NATIONAL – Gin-hingadayan han Department of Agriculture ngan Japan International Cooperation Agency an posible nga kolaborasuon nga panuyo nga padig-unon an sektor han agrikultura ha nasud.
Ginmalatumat ni DA Spokesperson Assistant Secretary Arnel de Mesa nga nakikigsumpayan na hira ha nasabi nga ahensya.
Dugang pa hine, ginhingadayan na an pira nga mga proyekto maypaghisumpay ha post-harvest facilities ha pagbisita han delegasyon ni Agri Secretary Francisco Tiu-Laurel Jr. ha nasud Japan.
Gin pahayag gihapon han opisyal nga nahuman na an pag-aram ha nasabi nga proposal.
Ha ilaraom han posible nga pagbinuligay in tatagan hin importansya an pagkakamay-ada hin mga post-harvest facilities para ha humay.
Makakabulig gihapon ine agud matagan hin suporta an NFA ha pagpalit hin mga humay.
