METRO MANILA – Ginsigurado han Philippine National Police (PNP) an mas mahugot nga pagpatrolya hiton gab-i kasunod han nae-eksperyensiyahan nga rotational brownout ha magkadiro-dilain nga parte han nasud.
Ginpahayag ni PNP Chief Jose Melencio Nartatez nga ginmanduhan hine an mga regional ngan provincial director agud pakusgon an foot and mobile patrols, partikular ha mga residential areas.
“I have already directed all regional and provincial directors to intensify foot and mobile patrols specifically in residential hubs during the scheduled power interruptions at night,” subay kan Nartatez.
Dugang pa hine, posible humitaas an insidente han krimen sugad han “akyat-bahay” ngan iba pa nga street crimes kun masirom iton area mahitungod han brownout.
Ginsigurado gihapon han PNP nga magpapabilin nga abre ngan operational an Unified 911 hotline ha kaluyo han power interruptions, ha bukid han backup power systems.
“Our command centers and emergency hotlines, such as the Unified 911, will remain fully operational through back-up power systems to ensure that every call for help is answered…”
Manunumduman nga ginpailarom han National Grid Corporation of the Philippines (NGCP) ha red alert an bug-os nga Luzon.
Mahitungod hine, maabot ha sobra 320,000 nga customers an posible maapektaran ha mga lugar han Bulacan, Cavite, Laguna, Metro Manila, Pampanga, Quezon, ngan Rizal.
