METRO MANILA – Nagpagawas hin opinyon an actress-host nga hi Kim Chiu mahuman makakarawat han pambabatikos ngan panhuhulga mahitungod han nagin pamahayag hine ha social media, kasumpay ha mga nahitatabo ha nasud.
Han iya post, ginpahayag han aktres an iya kasubo mahitungod nga karuyag han mga bashers nga paundangon hiya han pagpapahayag han iya opinyon.
“Nakakalungkot. That’s what happens when concern and opinion don’t align with them—gusto agad patahimikin,” subay kan Kim.
Ginduon pa ni Kim nga kumo Bisaya ngan Pilipino, may katungod hiya nga magpahayag han iya opinyon.
“Oo, Bisaya ko, pero Pilipino rin akong may karapatang magsalita at magpahayag ng saloobin,” dugang pa hine.
Dugang pa hine, masuol para ha mga ordinaryo nga mga Pilipino nga nagbabayad hin buwis nga makit-an an mga kontrobersya nga ginkaka-atubang han nasud.
“Masakit magbayad ng buwis tapos ganito ang nakikita natin. Hindi po tayo ang magkakalaban. Pare-pareho lang tayong mamamayan…”
Gin-aghat gihapon ni Kim an publiko nga likayan an kasamok mahitungod han opinyon ngan perspektibo han kada usa.
Siyahan na nga nag-viral an nagin pamahayag ni Kim mahuman ine mag-komento kasumpay han insidente ha Senado, diin nagkamay-ada hin komisyon ngan pagpapabuto hin pusil samtang ginbibiling hi Sen. Ronald “Bato” dela Rosa.
Gin-kwestiyon gihapon hine an m ga isyu ha Pilipinas ngan nanawagan ha publiko nga magin mabinantayon ha pagpili hin mga lider.
