Gin papahilarom pa ni Department of Agriculture (DA) Secretary Francisco Tiu Laurel Jr. an imbestigasyon ha iregularidad ha procurement ngan distribusyon han farm inputs ngan mga makinarya ha ilarom han ahensya.
Syahan na gudman nga nagdumara hin panginano an pira nga grupo han parag-uma kasumpay ha anomaliya, sanglit iginmando ni Sec. Laurel Jr. nga utro maghimo hin imbestigasyon ngan papahilarumon an panginano hini.
Duon pa han sekretarya, kinahanglan masigurado nga an pondo ha program in nagagastos hin sakto ngan maupay.
Kun mayda man daw sayop, labi na kun nahimo na ine han mga opisyal han DA, in kinahanglan la ine nga mainsakto.
Utro gihapon nga umapela an sekretarya ha mga parag-uma nga bumulig ha pagbuyagyag han isyu kun mayda man kapot nga ebidensya para ha mas madagmit nga ginbubuhat nga imbestigasyon.
Labot ha procurement, gin iimbestigahan gihapon han DA an report ha pagkadelatar ha delivery han mga fertilizer ha mga parag-uma.
