NATIONAL – Nanawagan hi Senate Blue Ribbon Committee Vice Chairman Erwin Tulfo ha Department of Justice nga magpasaka hin kaso kontra ha mga kontratista, opisyal han Department of Public Works and Highways, ngan pira nga politiko nga dabi ha mga “ghost” ngan palpak nga flood control projects.
Gintagan-duon ni Sen. Tulfo, nga nangawat an mga ini hin trilyon piso tikang ha molupyo, sanglit angay la hira mapagbaton.
Sumala pa ha iya an mga ginbuyagyag nira Pres. Bongbong Marcos ngan Sen. Panfilo Lacson kasumpay ha ghost ngan substandard projects in dapat na nga batanayan agud kasuhan ngan ipa-preso.
Samtang dugang pa ni Tulfo, kun an usa nga shoplifter in napre-preso mahitungod nga pagkawat hin dire maabot P1000, mas dapat tagan hin sirot an mga nangawat hin trilyon piso nga kantidad han pondo han Pilipinas.
