ENTERTAINMENT – Viral yana ha social media an video ni anay Laguna 1st District Congressman Dan Fernandez kun diin makikita nga aada hiya ha sakob han iya closet.
Imbes nga iya outfit an mapansin han netizen, napansin han mga ini nga daw kaparehas han closet han actress ngan model nga hi Ivana Alawi.
Nakatirok dayon ini hin atensyon online labi na nga dida han makalabay in nagin trending hi Ivana mahitungod ha relasyon hini kan Bacolod Representative Albee Benitez, mahuman nga gumawas an ngaran ni ivana ha VAWC complaint han asawa ni Albee, nga nag-akusar han pagkakamayda hin “illicit affair” ha butnga han aktres ngan kongresista.
Nakita mangud han netizens nga haros magkaparehas an closet nira Dan ngan Ivana – parehas nga may white and gold color scheme ngan disenyo nga magkaparehas sugad man an mga tiles hini nga white and touch of gray vibes.
Kaupod hini, utro nga ungkat han netizens an anay chismis dida han 2020 nga nag-susumpay hira Ivana ngan Dan Fernandez.
Manunudmuman nga nagsarang hadto an mga ladawan nira nga magkaupod, pero ha usa nga panayam kan Boy Abunda in gindiwara ini ni Ivana.
