SPORTS – Pakyas an Los Angeles Clippers nga sumaka ha No.6 ha Western Conference mahuman ini patumbahon han top NBA team – Oklahoma City Thunder.
Ginpirit han Clippers nga bumawi ha 2nd half han nasabi nga match tikang ha mahinay nga 2nd quarter pero mahugot nga ginpugngan ini han OKC an comeback effort han koponan.
Ginhuman han OKC an mulay ha iskor nga 103-101, lamang hin duha ka puntos nga kalamangan ha panguguna ni Shai Gilgeous-Alexander nga kumamada hin 26 ka-puntos.
Anay aada ha pan-pito nga pwesto an LAC ugsa an nasabi nga mulay pero ginbalyuan ini han Minnesota Timberwolves, kapot an win-loss record nga 41-31.
Kun naipadaog han Clippers han mulay, magtututrupad hira ha koponan nga Golden State Warriors ha No.6 spot.
Ha pagkayana, kapot han OKC an pinakamahusay nga record (59-12) ngan No.1 ha West.
Ginsundan ini han Houston Rockets, Denver Nuggets, Los Angeles Lakers, Memphis Grizzlies, ngan Golden State Warriors.
