NATIONAL–Natuod hi Philippine Coast Guard (PCG) spokesman for the West Philippine Sea, Commodore Jay Tarriela nga susuportahan han China an hin-o man nga kandidato ha 2028 General Elections nga dire nasuporta ha katungod han Pilipinas ha West Philippine Sea.
Ginpahimatngon han opisyal, nga sigurado nga magpakita hin suporta an pangobyernuhan han China ha mga kandidato ha national polls nga dire nakwestyun ha presnsiya han China ha gin-aagawan nga kadagatan.
Dugang pa hine nga sigurado nga igpapahaluag pa han China an ‘information operations’ hine samtang paharani na an halalan.
Pangunahon dide an operasyon han Foreign Information Manipulation and Interference (FIMI) han China, nga sumala kan Tarriela, in possible nga manginlabot san-o han halalan, agud nga ma-manipula an opinion han publiko ha karuyag hine nga mahitabo.
Mahitungod hine, kinahanglan nga pugnan an mahaluag nga disinformation nga sigurado nga ginbubuhat han Chinese government, labi na an pahayag han pira ka pulitiko publiko nga nasuporta pa ha naratibo han China, sumala kan Tarriela.
Dugang pa ni Tarriela nga kun pupugnan an transparency initiative han gobyerno kanit hiton WPS, posible nga malilimtan na han mga Pilipino kun hin-o an mga pulitiko nga tumindog para ha posisyon han Pilipinas ha WPS, pag abot han 2028.
Samtang, ha presente in ginaalegar nga waray naman nakakrawat hi Tarriela nga direktiba tikang ha Malakanyang nga limitahon an iya media engagements kaluiyo han mapaso nga balyuay hin pahayag ha parte niya ngan han Chinese Embassy ha Manila.
