TACLOBAN CITY — Nagpahimatngun an pamunuan han Civil Aviation Authority of the Philippines ha mga mangunguli nga Locally Stranded Individual (LSIs) ngan Overseas Filipino Workers (OFW) nga siguraduhon nga kumpleto an mga ginkikinahanglan nga dokumento agud nga diri magkaproblema pag abot ha DZR airport.
Sumala kan Fatima Obiña, tagapagyakan han CAAP Tacloban, nga pira nga mga pasahero an nagkakaproblema pag abot ha mga iginprepresentar nga medical certificate.
Ini in mahitungod nga diri gin kakarawat han mga airlines an medical certificate nga tikang la ha mga ospital ngan diri didto mismo tikang ha designated city/municipal hospital.
Mababaruan nga kakulop nga adlaw in maabot ha 200 nga mga LSIs nga sakay han Air Asia ngan PAL nga flight an nagkaabot ha DZR airport ngan andam na nga mannguli ha ira tagsa tagsa nga probinsya.
