Nagpatuman an Bangko Sentral ng Pilipinas (BSP) hin iban ha interest rate mahuman an pagharampang han Monetary Board dida han nakalabay nga adlaw.
Sumala kan BSP Governor Eli Remolona Jr., igin ubos an Target Reverse Repurchase (RRP) Rate hin 25 basis points sanglit ada ha 4.25% nala ini.
Labot pa hini, gin ibanan gihapon an interest rate ha overnight deposit facility nga ada ha 3.75% ngan ha overnight lending facility nga ada ha 4.75%.
Karuyag sidngon, lalauman an mas hamubo nga interes ha pagpapautang han mga bangko para ha balay, sarakyan, ngan negosyo nga panuyo nga paribhungon an paggastos ngan pamumuhunan agud kumusog an ekonomiya han nasud.
Gin sigurado naman han BSP nga kontrolado la gihapon an inflation o paghitaas han presyo han mga papliton ngan serbisyo ha nasud.
Ha kaluyo hini, ginlalauman an gutiay nga paghitaas han inflation ha masunod nga tuig mahitungod ha posible nga pag-umento han presyo han pira nga produkto.
Ha yana, ginmalatumat han BSP nga mahinay an pag-ursa han ekonomiya mahitungod ha dire duro nga paggastos han publiko ngan mga negosyo.
