Naghimo hin kasaysayan an 16-time Grammy award winner nga hi Bruno Mars mahuman hine makab-ot an Guinness World Record para ha pinakadako nga concert ha sulod han usa nga video game.
Dida han Enero 17, umabot ha 12,862,161 concurrent viewers ha Roblox game nga “Steal a Brainrot” agud magkita han iya virtual performance.
Gin pirde han nasabi nga numero an anay record holder nga hi Travis Scott, nga humakot hin 12.3 milyon nga magkirita ha iya Fortnite event dida han 2020. Ha sobra nga kadamo han active listeners ni Bruno Mars ha platform, nalahusan hine an kabug-usan nga populasyon han Sweden.
Ha sulod han mulay, gumawas hi Bruno kumo usa nga virtual avatar ngan gin pirform an iya bag-o nga single nga “I Just Might” ngan an classic hit nga “Locked Out of Heaven”.
Labot ha musika, nagin patok gihapon an iginpagawas hine nga limited edition in-game character nga “Brunito Marsito,” nga gindownload han sobra 5.4 milyon beses nga players.
