NATIONAL – Pumirma him usa nga kasabutan an Bureau of Immigration ngan Philippine Amusement and Gaming Corporation (PAGCOR) agud mapalaksi an deportation han mga POGO workers nga aadi ha nasud.
Panuyo han ginpirmahan nga Memorandum of Agreement (MOA) nga makaghatag hin assist ha pag-suporta nga mapadagmit an pagpapa-deport ha mga ilegal nga langyawanon nga trabahador nga dabi ha POGO.
Gin pangunahan ine mismo nira PAGCOR Chairman ngan CEO Alejandro H. Tengco ngan BI Commissioner Joel Anthony Viado kumo ‘principal signatories’.
Ha ilarom ha nasabi nga kasabutan, ginlalauman nga maghahatag hin bulig nga P50 milyon an PAGCOR nga naka-alutaga para ha deportation han mga illegal foreign POGO workers.
Sanglit mahitungod ine in ginpahayag ni BI Commissioner Joel Anthony Viado an iya pasasalamat ha PAGCOR ha aktibo nga pagsuporta ha ira buhatan.
Dugang pa hine, an nasabi nga pitad in nagpapamatuod ha ‘whole-of-government approach’ ha pagbaton han gobyerno ha mga hulga ha national security.
