NATIONAL–Nakakarawat hin 28 nga radio challenges tikang ha barko han CHina an Philippine Coast Guard (PCG) ngan Bureau of Fisheries and Aquatic Resources (BFAR).
Nahitabo ini samtang nagbubuhat an BFAR ngan PCG hin Maritime Domain Awareness (MDA) flight ha Bajo de Masinloc han Biyernes.
Sumal ha PCG nga gamit nira an aircraft han BFAR han pagkarawat han mga radio challenges tikang ha Peoples’ Liberation Army-Navy hull number 553 nga barko ha parte han 81.42 nautical miles northeast han Bajo de Masinloc.
An nasabi nga aircraft in nagbuhat hin pagmaeobra banda alas 10:30 han aga nga mayada kahitaas nga ginbabanabana nga 6000 feet.
Nakit-an gihapon han PCG an duha nga boya nga propyedad han China Hirani ha Bajo de Masinloc ngan usa nga unidentied fighter jet, 1.79 nautical miles west han Bajo de Masinloc.
Ginbaton han PCG an radio challenges kun diin an MDA flights in naaayon ha international law.
Ginsigurado han PCG nga igpapadayon nira an nasabi nga pagbubuhat hin regular nga MDA para ha katalwasan han mga Pinoy nga mangirisda ngan ha soberanya na gihapon han Pilipinas.
