Nakab-ot han usa nga babaye tikang ha Arkansas an Guinness World Record para ha titulo nga “most T-shirts worn during a half marathon (female)”.
Malinampsuon nga nahuman ni Meredith Smith an Fort Smith Half Marathon hin waray pa tulo ngan katunga hin oras samtang nakasul-ot hin 55 t-shirts.
Sumala kan Smith, an kakaiba nga ayat in dire la agud makaghipatik hin Guinness, kundi usa nga selebrasyon han iya malinangpuson nga pag-iiban hin timbang.
Nagtikang hiya dumalagan dida han 2013 agud magpagasa, ngan tikang hadton in naibanan hiya hin 80 pounds (36 kg). Agud pag-andaman an karera, nagtraining hiya sul-ot an maabot ha 80 tshirts agud igbalik an kabug-at nga nawara ha iya nga baga-baga hin pagbabalik ha dati niya nga lawas ngan kabug-at ugsa hiya gumasa. Para ha iya, an pisikal nga kabug-at han lul-on nga bado in nagserbi nga pahinumdom kungaano na kaharayo an iya naabot.
Igin paangbit gihapon ni Smith nga hadton bata pa hiya, nadirek hiya han pagdalagan. Pero nagbag-o ini han makakarawat hiya hin mapaso nga suporta tikang ha running community.
Mahuman nga maabot an finish line, malipayon nga ginselebrar ni Smith an iya kalangpusan kaupod an pamilya ngan dayun nga igtanggal an madakmol nga bado nga nasimbolo ha natanggal niya nga pabug-at ha kalawasan.
