ENTERTAINMENT–Dire la gihapon natuod an kadam-an nga namatay an Hollywood director nga hi Rob Reiner ngan an iya asawa mahuman nga parehos nakag-angkon hin binun-an ha ira mga lawas.
An gintutudlok nga suspek han mga otoridad in mismo anak han nasabi nga mag-asawa.
Dayon naman nga naaresto an 32 anyos nga hi Nick Reiner pira ka oras mahuman nga matad-an iton mga patay nga lawas han mag-asawa ha ira balay ha Brentwood Los Angeles.
Basar ha inisyal nga report han Los Angeles Police, tadtad hin buno ha lawas an mag asawa ngan mayada hiwa ha liog nga nagin rason han ira pagkamatay.
Sumala kan LA Police Chief Jim McDonell, nadakpan nira hi Nick pira ka oras mahuman an krimen, matungod na gihapon ha pag-report han bugto hine nga babayi.
Usa naman ha mga ginapatamakan han mga otoridad, nga rason han panbuo in matungod han dire pagkaka-intindihay han mga ine ha usa nga Hollywood party.
Usa gihapon ha nakikit an nga rason in an inaligar nga pagigin abusado ni Nick, nga agsob na makit-an ha iya personalidad.
