BORONGAN CITY, EASTERN SAMAR — Ginpasara an pantalan han Borongan City tungod han diri na talwas nga kondisyon han salog o flooring hini, nga posible magbutang ha peligro han mga barko nga maduong ngan han operasyon ha pagkarga ngan pagdiskarga hin mga kargamento.
Sumala kan Borongan City Mayor Jose Ivan Dayan Agda, ginhihingyap han City Government nga makuha an pagdumara han pantalan tikang ha Philippine Ports Authority (PPA), agud hira na mismo a makagpatuman han mga kinahanglanon nga pag-ayad ngan pagpauswag han pasilidad.
Ginpahayag ni Agda nga sumala ha panginano han City Engineering Department, dako gud nga pondo an kinahanglanon para ha rehabilitasyon han pantalan. Dugang pa, dako liwat an magigin investment han syudad kon hira an magdumara hini samtang magpapabilin ha PPA an pagpanag-iya han pasilidad.
May kalabotan hini, nakigsumpayan na an alkalde ha minority leader han House of Representatives ngan ha representante han distrito agud ig-unabi an posible nga solusyon ha problema, labi na nga diri kaya han syudad an ngatanan nga pondo nga ginkikinahanglan para maibalik an operasyon han pantalan.
Ha pagkayana, nagbuburublig na an lokal nga gobyerno han Borongan City, opisina han ira kongresista ngan an provincial government. Samtang, naglalaum naman hi Agda nga magkamay-ada na hin kalamragan an ira ginhihingyap nga pamaagi agud masolusyonan an problema ngan maibalik an
