Tatanggalon han Senado an ada ha 285 nga proyekto nga pan-imprastraktura nga maabot ha P8.8 billion ha ilarom han 2027 national budget.
Ini in kasunod na gihapon han iginpadara nga surat ni anay Department of Public Works and Highways (DPWH) Secretary Vince Dizon nga nabuyagyag nga 295 nga infrastracture projects an nadiskubrehan nga “non-compliant” subay ha ebalwasyon nga gindumara han ahensya.
Sumala kan Senate President Sherwin Gatchalian, bug-os an commitment han Senado ha pagtanggal han mga line items nga waray sakto nga basaranan nga dokumento kaupod an kawaray han konkreto ngan mapapamatud-an nga suporta nga teknikal agud masigurado nga kada item ha pinal nga bersyon in andam na tikangan.
Gin sigurado ni Gatchalian nga an mga line items in dire makakakarawat hin bisan piso han pampubliko pondo.
Iginduon pa han senador nga klaro an mandato han Senado nga kun waray kaangayan nga dokumento in waray ini pondo.
Importante daw mga masigurado nga waray lugar an pan-aabuso ha pondo han gobyerno labi na yana nga mahinay an pag-abante han ekonomiya.
