Nakaandam daw karawton ni United States President Donald Trump an magigin resulta han midterm elections ha Amerika, kaupod an posibilidad nga makuha han Democratic Party an kontrol ha Kongreso.
Ginmalatumat ni Trump nga andam hiya karawton an resulta han piniliay ngan makigbinuligay ha mga Democrat.
“I am absolutely willing to accept those results,” pahayag ni Trump.
Dugang pa han presidente, ginlalauman niya makakabiling hin paagi an iya administrasyon agud makigbinuligay ha kaluyo nga partido.
“We’ll work with the Democrats, and we’ll, you know, look forward to working with them. We’ll probably work something out,” dugang pa niTrump.
An midterm elections in gindudumara ha kabutngaan han terminao han usa nga presidente agud pumili han mga bag-o nga magbabalaod ha Kongreso ngan iba pa nga opisyal.
Manunumduman nga ugsa an pinilay, ginmalatumat ni Trump nga igrerespeto niya an resulta kun magigin “honest” an eleksyon.
Padayon naman nga ginbabantayan an resulta han mga karera ha Kongreso agud matudlok kun magpapabilion ha Republican Party o mahingangadto ha Democratic Party an kontrol han duha nga kapulungan.
