Sumaka ha panibag-o nga record high nga P19.66 trilyon an kabug-usan nga utang han gobyerno han Pilipinas dida han urhi nga bahin han Setyembre 2026, sumala ha datos han Bureau of the Treasury (BTr).
Basar ha report han ahensya, humitaas hin 0.27 porsyento o P53.47 bilyon an utang han nasud kumpara ha P19.61 trilyon nga naitala dida han bulan han Agosto.
Ginkokomponer hin domestic debt an 67.93 porsyento han kabug-usan nga utang nga nagkakantidad hin P13.25 trilyon, samtang an external debt naman in nagkakantidad hin P6.41 trilyon o 32.61 porysento.
An gutiay nga paghitaas han domestic debt in durot han panguna nga net issuance han government securities ngan han pagluya han kantidad han piso kontra ha US dollar nga nakakaapekto ha Onshore Dollar Bonds.
