ODD – Ginpakita han 73 anyos nga lola, nga hi Susan Ragon, tikang ha Massachusetts, U.S.A., an iya pagigin makarit ha pagdalagan mahuman nga magin pinakalagas nga babaye nga naka-kompleto hin marathon ha North Pole.
Ginhuman ni Susan an 42 kilometros nga karera ha butnga han mahugot nga kahagkot ngan madalunot nga snow ha sakob han 8 ka-oras ngan 58 minutos.
Mahitungod hini, nakab-ot niya an Guinness World Record title nga “Oldest person to complete the North Pole Marathon (female).”
Diri na bag-o kan Susan an pag-api ha mga magkuri nga marathon mahitungod nga dida han tuig 2019, kapot gihapon niya an rekord ha Antarctica Ice Marathon.
Ha sakob han tulo ka-dekada, nalibot ngan nakahuman na hiya hin mga marathon ha tanan nga pito nga kontente ngan pareho nga pole han kalibutan.
Sumala kan Susan, ha iya edad nga 73 anyos, diri la gihapon hiya mapaperdi ha kahadlok ngan kakapoy, bisan pa nga nabari-an na hiya han mga nakalabay nga North Pole Marathon.
