TACLOBAN CITY – Arestado an maabot 63 nga indibidwal han bespiras hiton pinilay ha ginpatuman nga liquor ban hiton syudad han Tacloban, hiunong han gindumara nga Barangay ngan Sanguniang Kabataan Election 2023.
Sumala kan Jennette Fariola Ruedas, Information Officer han Comelec Regional Office 8, nga han kama-agahon pala han bespiras hiton election in nagkadadakop an nasabi nga mga indibidwal nga tumalapas han nasabi nga aludayday.
Una hine nag palusad an lokal nga pangobyernohan hiton syudad nga hin kamanduhan nga bawal mag-inom hin makahurobog nga irimnon pagtungtong hiton alas 12:00AM han ka-agahon han Oktubre 29, hangtod ha 11:59PM han gab-i naman han Oktubre 30 ine in subay ha Commission on Elections Resolution 10924.
Ha lain nga bahin, waray naman may nahereport ha ira buhatan, nga nakuhaan hin mga hinganiban o magtarom nga mga higamit ha sulod han mga polling precinct ha bug-os nga syudad han Tacloban.
