TACLOBAN CITY – Maabot ha 6 nga mga menor de edad an na rescue ha usa nga cybersex den ha probinsya han Biliran.
Ini in mahuman nga magbuhat hin raid an National Bureau of Investigation (NBI- Region 8).
Basar ha iginpagawas nga impormasyon han NBI- Region 8, nga upod ha mga na rescue an 5 nga kababayin-an ngan 1 nga lalaki nga na edad 6-10 anyos.
Kaupod naman ha nadakop ha iginbuhat nga raid an duwa nga kababayin-an nga na edad 21 ngan 26 anyos.
Mababaruan nga na rescue an mga ini ha usa nga cybersex den nga gintatag-iyahan han magbugto nga nagngangaran nga hira Michelle Medalla ngan Joni Medalla nga kun diin nakapag asawa hin usa nga Foreigner.
Waray naman makagdahum an mga amyaw han mga suspek nga may sugad nga raket an magbugto labi pa nga baga baga la hin normal an balay nga ini.
Samtang, gindara naman ha kustodiya han DSWD- Region 8 an mga menor de edad nga biktima samtang nagpapabilin ha kustodiya han kapulisan an duwa nga suspek.
