-- Advertisements --
TACLOBAN CITY – Arestado an 6 nga mga indibidwal lakip na an usa nga minor de edad mahuman an gindumara nga buy-bust operation han mga otoridad ha Brgy. Bacubac, Basey Samar.
Ginkilala an mga suspek nga hira Wences Medina, Jacob Medina, Philip Medina, Chucky Regala ngan Kristine Ciara ngan usa nga minor de edad.
Sumala kan Rogelette Urgel, tagapayakan han PDEA Region 8, maabot ha 15 grams nga kabug-aton han gin aalegar shabu an nakompiska ha mao nga operasyon nga may estimated market value nga P102,000.
Maatubang naman an mao nga mga suspek ha kaso nga pagtalapas han RA 9165 ( Comprehensive Dangerous Drugs Act ).
