INTERNATIONAL – Ginlalauman nga ig-iibakwit ha mga masunod nga semana an aada 30 kutob 50 nga bata nga Palestinian nga mayda grabe nga sakit o samad, tikang ha Gaza tikadto ha United Kingdom agud kumarawat hin atensyon medikal.
Ini an gisiyasiyahani nga higayon nga magdadara an UK hin mga bata nga Palestinian ha ilarom han usa nga opisyal nga operasyon han gobyerno, ha koordinasyon han Foreign Office, Home Office, ngan Department of Health.
An pagpili ha mga bata in hihimu-on han World Health Organization (WHO) ngan uupdan hira han mga pamilya agud bumulig kun diin bubuhaton an biometric screening.
Ini nga pitad in kasunod han panawagan han 96 nga miyembro han parliament tikang ha magkadurudila-in nga partido nga dagmit buligan an mga bata nga nanginginahanglan hin medikal nga atensyon ha butnga han haros paglaprak han sistema han kahimsog panlawas ha Gaza.
