NATIONAL–Waray pa kasiguraduhan kun san-o mahuhuman an kaso ni anay Pangulong Rodrigo Duterte ha International Criminal Court (ICC) ha The Hague, Netherlands.
Gineksplikar naman ni Atty. Kaiser Cordero, usa nga international lawyer nga ha ilarom han Article 61 han rome Statute, mayada 3 nga pwede mahitabo ha paghuman han confirmation of charges ni Duterte hearing yana nga adlaw, ika 27 han Pebrero.
Syahan, posible nga ig-confirm han Pre-Trial Chamber an charges, ngan pananglitan mahitabo in titikangan na an kaso ha Trial Chamber, kun diin, didi masasabtan kun guilty beyond reasonable doubt hi Duterte.
Ikaduha, pwede nga dire ig-confirm an charges ngan mababasura an kaso ngan makakauli na an anay president.
Samtang, mayda gihapon ikatulo nga option an ICC nga pwede mag-adjourn ngan tagan hin higayon an presecution nga maghatag hin kadugangan nga ebidensya.
Naruruyag-sidngon nga pwede hira bumalik ngan mag-take-two dara an mas makusog nga kaso.
Mahitungod hine, dire pa pwede makagawas hi Duterte dire sugad han iba nga kaso nga kun kulang ha ebidensya in dismissed na dayon, pero ha ICC mayada hpa higayon an prosekusyon nga paupayon ngan igpakusog an ira kaso.
An ginaalegar nga ginkikinitaan nga ginbubuhat ha Pre-Trial Chamber yana kay kun mayada “substantial grounds to believe” nga mayada krimen ngan mayada partisipasyon an akusado.
Samtang, dire pa ine final judgement nga guilty o aquital.
