Nasipatan an presensya han 24 nga barko han China ha Ayungin Shoal ugsa paman an posible nga resupply mission ha BRP Sierra Madre.
Gin kumpirma ni Philippine Navy spokesperson for the West Philippine Sea Rear Admiral Roy Vincent Trinidad nga nasipatan an upat nga barko han China Coast Guard ngan 20 nga Chinese maritime militia vessels ha lugar, dida han nakalabay nga adlaw.
Daw, han hadi in upat nga maritime militia ngan duha nga Coast Guard vessels la an ada ha lugar mahitungod han maraot nga panahon, pero makalabay an upat o lima kaadlaw in sobra 20 nga Chinese vessels na an nasipatan.
Waray naman maghatag hin anuman nga detalye an Navy official ha magigin masunod nga resupply mission ha BRP Sierra Madre pero iginduon han opisyal nga dire pwede pabay-an an panginahanglan han mga kasundaluhan nga naka-istasyon ha outpost han nasud ha WPS.
Nakadepende naman daw ha Commander han Western Command an mga detalte han masunod nga rotation and resupply mission.
