BUSINESS–Ginpa-deport han Bureau of Immigration (BI) an 23 ka Tsino nga may dabi ha iligal nga aktibaidad han Philippine Offshore Gaming Operations (POGO) ngan cyber fraud han ika 21 han Nobyembre.
An deportasyon in kasunod han bag-o nga pagpapakusog han Anti-POGO Law, nga nagbubutang hin mas istrikto nga sirot ngan nagpapakusog ha gahum han gobyerno nga igsara an mga iligal ngagaming hub ngan mga may kalabutan nga scam operations.
Sumla kan Atty. Alexi Val Arciaga, Lider han BI Deportation and Implementation Unit, an 23 nga langyaw nga mga indibidwal in ginsakay ha kilala nga mga airlines tipakadto ha Shanghai Pudong International Airport tikang ha Ninoy Aquino International Airport Terminal 1 Biyernes han agahon.
Ngatanan nga nasabi nga mga indibidwal in may deportation orders matungod ha pagtalapas ha immiugration laws han nasud kalakip an pagkaka-dabi ha POGO-lik activites, panlimbong ngan pagigin wanted criminals ha ira kalugaringon nga nasud.
Siring naman ni BI Commissioner Joel Anthony Viado nga hasta nga padayon an mga operasyon han mga iligal nga online gaming facilities ngan scam hubs, igpapadayon nira na ira mga enforcement operations.
